Motivation & Current Affairs حالاتِ حاضرہ
The Holy Prophet ﷺ & our Societies
 |
| The Holy Prophet ﷺ & the Society | Respect for All |
مغرب کا مہذب معاشرہ
مغرب کا معاشرہ اپنے آپ کو دنیا کا مہذب ترین معاشرہ خیال کرتا ہے لیکن یہ بات سمجھ سے بالا تر ہے کہ اس معاشرے کے چند افرادتہذیب کے ٹھیکیداربن کردوسری اقوام اور دوسرے مذاہب کا احترام کیوں ضروری نہیں سمجھتے؟ بے راہ روی کا شکار یہ افراد دیگرمذاہب اور پاک ہستیوں کے بارے میں بیہودہ اشاعت کو معیوب نہیں گردانتے۔بلکہ اسے آزادیِ رائے کہتے ہیں۔اگر اس آزادئِ رائے کو جائز قرار دے دیا گیا تو پھر شاید تیسری اور آخری عالمی جنگ کو روکنا ممکن نہ رہے۔کیونکہ آپ کا طرزِعمل اچھا نہیں۔ آپ کو ناپسند کرنے والے جب اپنی ناپسندیدگی کا اظہار کرتے ہیں تو وہ آپ کو ناگوار گزرتا ہے ۔آپ کا اعتراض یہ ہے کہ ان کا طریقہ اظہار مناسب نہیں۔تو جناب غلط کام غلط ہی ہوتاہے خواہ کسی بھی طریقے سے کیا جائے۔ آپ کا طریقہ کونسا اچھاہے؟کیا کسی کو مسکراتے ہوئے گالی دینا احسن عمل ہے؟
آپ قلم کی آزادی پر یقین رکھتے ہیں!
تو کیا آپ اپنی والدہ محترمہ کی شان میں خدانخواستہ کی جانے والی کوئی گستاخی برداشت کریں گے حالانکہ آپ کے معاشرے میں اپنی اس بوڑھی ماں کو اولڈ ہوم میں پھینک دینے کا رواج بھی موجود ہے۔ہمارا اور ہمارے بنیؐ کا تو معاملہ ہی کچھ اور ہے۔
آپ کے اس معاشرے میں جس میں شراب نوشی اورمحافلِ شباب عام رواج ہے جہاں نائٹ کلب کی محفلوں میں کی جانے والی مہذب بے حیائی کوویک اینڈمنانے کا لازمی جز سمجھی جاتا ہے۔اس کے باوجود آپ یہ ہرگز پسند نہیں کرتے کہ کوئی شخص آپ کے باپ کو شرابی و زانی کہے اگرچہ وہ (خدانخواستہ )ایسا ہی کیوں نہ ہو۔
تو جناب !جسے آپ بہت جلد بڑھاپے کی حالت میں سسک سسک کر مرنے کے لئے پھینک دیتے ہو۔ جن رشتوں کی آپ اتنی سی قدر کرتے ہو۔ان کی شان میں گستاخی ہرگز برداشت نہیں کرتے اور یقیناًہمیں برداشت کرنا بھی نہیں چاہیے ۔ تو جس خاتم النبین ہستی ﷺپر ہم مسلمانوں کا تن من دھن سب کچھ قربان ۔ ہماری اولاد اور والدین تک انؐ پر نثار۔ہمارا مقصدِ حیات ہی آپؐ کی ناموس کی حفاظت ہے تو اس ہستی ؐ کے بارے میں آپ جو منہ میں آئے کہتےچلے جاؤ۔ایسا ہرگز ہرگز ممکن نہیں۔کیونکہ اس ؐ شمع کے پروانے آج بھی موجود ہیں۔ تو جنابِ عالی آپ سے گزارش ہے کہ اپنی زبان اور قلم کو اتنی تہذیب ضرور دے دوکہ دنیا تمہیں واقعی مہذب قوم کہنے لگے۔اور دنیا ایک بڑی اور اور۔۔۔۔۔۔ بھیانک تباہی سے دوچار ہونے سے بچ جائے۔
اللہ پاک ہم سب کو شانِ محمدﷺ کی سمجھ بوجھ عطا فرمائے۔ آمین۔
thanks for visiting my site
No comments:
Post a Comment
Thanks for visit our site