Law of Supply

Law of Supply and its Application

قانونِ رسد

قانونِ رسد کسی چیز کی قیمت اور اس چیز کی مقدارِ رسدکے درمیان پایا جانا والا راست تعلق ہے جس کی رُو سے جب کسی چیز کی قیمت میں اضافہ ہوتا ہے تو اس چیز کی مقدارِرسد میں بڑھ جاتی ہے اور قیمت میں کمی سے اس کی رسد میں بھی کمی  ہو جاتی ہے۔ بشرطیکہ پیداواری لاگت اور باقی حالات میں کوئی تبدیلی واقع نہ ہو۔

 

گوشوارہ کی وضاحت

دیا گیا گوشوارہ  قانون ِ رسد کی وضاحت  کرتا ہے۔ گوشوارے میں دو نوں کالموں میں ایک طرف شے کی شے قیمت اور دوسری طرف اس شے کی رسد کی مقدار دکھائی گئی ہے۔ہم دیکھتے ہیں کہ جب کسی چیز کی قیمت 10 روپے ہے اس وقت اس شے کی رسد 100 اکائیاں ہے ۔ جب قیمت بڑھ کر 20 روپے ہو جاتی ہے تو اس کی رسد بھی بڑھ کر 150 اکائیاں       ہو جاتی ہے۔

جیسے جیسے قیمت زیادہ ہوتی جاتی ہے رسد کی مقداربھی مسلسل بڑھتی چلی جا رہی ہے۔ جب قیمت بڑھتے بڑھتے50 روپے تک جا پہنچتی ہے اس وقت اس شے کی رسد بھی بڑھتےبڑھتے 300 کائیاں ہو جاتی ہے جس سے یہ ثابت ہوتا ہے قیمت زیادہ ہونے سے رسد میں اضافہ اور قیمت میں کمی سے رسد میں کمی واقع ہوتی ہے۔

  

گراف کی وضاحت

شکل میں موجود خطِ رسد کسی شے کی قیمت اور طلب میں تعلق کی وضاحت کرتا ہے۔ ایکس محور پر شے کی رسد اور وائی محور اس شے کی قیمت کو رکھا گیا ہے۔ہم دیکھتے ہیں کہ خطِ رسد مثبت جھکاؤ کا حامل ہے جو بائیں سے دائیں اُوپر کی جانب جاتا نظر آرہا ہے۔یہ خط اس بات کی وضاحت کر رہا ہے کہ کسی شے کی قیمت زیادہ ہونے سے اس شے کی رسد کی مقدار زیادہ ہو جاتی ہے اور قیمت کے کم ہو جانے سے اس کی رسد میں کمی واقع ہوتی ہے۔قیمت 10 روپے سے بڑھ کر 50 روپے ہونے پر اس شے کی رسد کی مقداربھی  100 اکائیوں سے 300 اکائیوں تک جا پہنچتی ہے۔جو اس بات کا واضح ثبوت ہے کہ قیمت اور رسد ایک دونوں ایک ہی جھانب عمل کرتی ہیں۔

قانونِ رسد کی شرائط اور مفروضات

کسی بھی قانون کو مقرر کرتے وقت اور اس قانون کو اطلاق کرنے سے کچھ مفروضے مقرر کرنا پڑتے ہیں ۔بالکل اسی طرح قانونِ رسدکے درست ثابت ہونے کے لئے بھی کچھ بنیادی شرائط بھی مقرر کی گئی ہیں ان شرائط کو قانونِ رسد کے مفروضات کہا جاتاہے۔ قانون رسدکو بیان کرتے ان تمام حالات کو ساکن فرض کر لیا جاتا ہے۔ حالانکہ عام ماحول اور حالات میں یہ تما م حالات متحرک رہتے ہیں۔

قانونِ رسد کے مفروضات اور شرائط حسبِ ذیل ہیں۔

پیداواری لاگت نہ بدلے

پیداواری طریقوں میں تبدیلی نہ ہو

پیداوار کی مقدار  میں تبدیلی نہ ہو

<--- Watch this video on our youtube channel for more details --->